Оқу тәрбиелік мақсаттар мен міндеттер: білімділік: портрет және оның түрлерімен таныстыруды жалғастыру, портретсалудағы графикалық дағдылар мен біліктерді қалыптастыру; дамытушылық: назар аудару және бақылағыштықты дамыту; қоршаған ортаға эстетикалық қарым- қатынасын қалыптастыру; тәрбиелік: қоршаған шындық пен өнерге, эстетикалық қарым- қатынастың және шығармашылық мәдениетінің қалыптасуына ықпал ету;
Портрет – бұл адамды бейнелеу.Портретте адамның ұзына бойы, отырған қалпы немесе бет пішіні ғана бейнеленуі мүмкін.Осы көріністің бәрі портрет деп аталады.Орындалу тәсіліне қарай 2 түрге бөлінеді.
1. Бір тұлғалы портрет
2. Көп тұлғалы портрет
Портрет кескін көлеміне қарай бас(иықтан жоғары), кеуде, белге дейін, тізеге дейін, бойды тұтас қамтитын портрет деген түрлерге бөлінеді.
Портрет кескін көлеміне қарай бас(иықтан жоғары), кеуде, белге дейін, тізеге дейін, бойды тұтас қамтитын портрет деген түрлерге бөлінеді. Портреттік кескіндер жанр бойынша да бөлінеді. 1.Мифологиялық – ертегілік және мифологиялық кейіпкерлердің кескіні. 2.Отбасылық портрет – отбасы мүшелерінің бейнесі. 3.Жанрлық портрет – портретте бейнелеушіні белгілі бір образда (мысалы, актрисаның портреті немесе шахтердің портретін және т.б.) 4.Автопортрет – суретшінің өзін — өзі бейнелеуі.
Портретті салу жолдары:
1- кезең. Бет кескінін доғалдау етіп саламыз, сосын оны көмекші сызықтар арқылы тігінен(симметрия осімен) теңдей екі бөлікке бөлеміз.Барлық көмекші сызықтар оңай өшірілу үшін жай қарындашпен жай басып, жіңішке етіп сызу арқылы саламыз .
2- кезең. Бас пішінін көмекші сызықтармен көлденеңінен өзара шамалас үш бөлікке бөлеміз.Доғалдау етіп сызылған бас пішініңің жоғарғы бөлігі- маңдай, ортаңғы бөлігінде мұрын мен көз, құлақ, төменгі жағына ауыз бен иек түсіріледі.
3- кезең. Шашты салу кезінде шаш қою үлгісінің де өзіндік көлемі мен пішіні болатынын ескеруіміз керек.Мойны мен иықты бейнелеуді аяқтап, киімін саламыз.
4- кезең. Портрет бояуын түсіреміз.
Портретті салу жолдары
Дидактикалық ойын
1. Берілген шар тәрізді пішіннен күн және күн сәулесінің түрін, әр түрлі бейнеде көрсету.
2. Адамның көңіл- күйін білдіретін бет пішіндері берілген суреттерді көрсете отырып, әрбір суретке ат қою.
Сабақты бекіту сұрақтары.
1. Портрет нені бейнелейді?
2. Портреттің кандай түрлерін өттік?
3.Осы тақырып бойынша сабақ қызықты болды ма?.
Үйге тапсырма.
Адамның көңіл- күйін білдіретін бет пішіндер суреттерін салу.
